(បន្ទាយមានជ័យ)៖ នៅព្រឹកថ្ងៃសៅរ៍ ទី១៥ ខែតុលា ឆ្នាំ២០២២ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានដឹកនាំលោកមេបញ្ជាការរង លោកនាយសេនាធិការង ប្រធាន-អនុប្រធានមន្ទីរ លោកនាយការិយាល័យ លោកមេបញ្ជាការមូលដ្ឋានក្រុង-ស្រុក និងនាយ នាយរងកងរាជអាវុធហត្ថ អញ្ជើញចូលរួមគោរពវិញ្ញាណក្ខន្ធ ដង្ហែរសព និងប្រទានភ្លើងបូជាសព លោកវរសេនីយ៍ទោ ជា សុផល មុខងារអនុប្រធានមន្ទីរស្រាវជ្រាវ និងបង្ក្រាបបទល្មើស ដែលបានទទួលមរណៈភាព កាលពីថ្ងៃទី១៣ ខែតុលា  ឆ្នាំ២០២២ វេលាម៉ោង២និង១០នាទីយប់ ដោយដួលដាច់សរសៃឈាមខួក្បាល ក្នុងពេលបំពេញបេសកកម្មប្រចាំតំបន់៣ បឹងទន្លេសាប ខេត្តបន្ទាយមានជ័យ កាលពីថ្ងៃទី១៦ ខែកញ្ញា ឆ្នាំ២០២២ ក្នុងជន្នាយុ៥២ឆ្នាំ ។

សពត្រូវបានតម្កល់ធ្វេីបុណ្យតាមប្រពៃណីព្រះពុទ្ធសាសនានៅគេហដា្ឋននៃសព ស្ថិតក្នុងភូមិបន្ទាយថ្មី ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
     នាឱកាសនោះដែរលោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត បានប្រគល់បច្ច័យជូនដល់គ្រួសារសពចំនួន២០.២០៥.០០០៛ (ម្ភៃលាន ពីរសែន ប្រាំពាន់រៀល) ដែលបានមកពីការចូលរួមរបស់នាយទាហាន នាយទាហានរង និងពលទាហាន នៃកងរាជអាវុធហត្ថខេត្តបន្ទាយមានជ័យទាំងអស់ សម្រាប់ចូលរួមរំលែកទុក្ខជាមួយក្រុមគ្រួសារសព និងសម្រាប់ចាត់ចែងក្នុងកម្មវិធីបុណ្យសពនេះផងដែរ ៕